انا مش ساذج و لا غبى .. دى حاجة انا متأكد منها ,
بس طبعا كل واحد بتعدى عليه مواقف بيستغبى نفسه فيها جدا ,
و آخر المواقف دى كان من كام يوم ,
و انا فى المكتب ..
لا لا انا هابتدى من الاول عشان الصورة توصل كاملة ,
يا سيدى المكتب اللى انا شغال فيه فى واحد
من اهم شوارع مصر الرئيسية ,
اللى الريس كل يومين ينورها ,
والله ما عارف بينورها بطلعتة البهية ,
و لا بالنور العالى بتاع عربيات الموكب !
المهم .. من كام يوم و انا رايح الشغل الساعة 11 كالعادة ,
لقيت الشارع مقلوب عشان الريس هايعدى ,
و العساكر و الظباط بيفضوا الشارع من كل حاجة ..
من اول العربيات اللى راكنة ,
لحد كراتين الشيبسى اللى قدام كشك عم عبده ..
مش عارف الشيبسى هيضايق الريس فى ايه !!
و على فكرة الريس عدى فى اليوم ده بعد الساعة 7 !!!
ما علينا .. دخلت المكتب و مكانش فى غيرى
انا و الاستاذ صاحب المكتب و سكرتير الاستاذ ,
و قعدت اتفرج من الشباك على العساكر
و هم بيمشوا كل العربيات اللى راكنة ,
و الونش بيرفع العربيات اللى مش لاقيين اصحابها .
بعد نص ساعة السكرتير راح مشوار ,
و مفضلش غيرى انا و الاستاذ ,
خمس دقايق و رن جرس التليفون فاضطريت ارد ,
و دار الحوارد ده بينى و بين اللى اتصل :
- سلامو عليكو
- سلام و رحمة الله
- انتوا عندكوا عربية سودا ماركة ....
- ايوة ايوة .. الأودى السودة .. بتاعتنا صح
بس طبعا كل واحد بتعدى عليه مواقف بيستغبى نفسه فيها جدا ,
و آخر المواقف دى كان من كام يوم ,
و انا فى المكتب ..
لا لا انا هابتدى من الاول عشان الصورة توصل كاملة ,
يا سيدى المكتب اللى انا شغال فيه فى واحد
من اهم شوارع مصر الرئيسية ,
اللى الريس كل يومين ينورها ,
والله ما عارف بينورها بطلعتة البهية ,
و لا بالنور العالى بتاع عربيات الموكب !
المهم .. من كام يوم و انا رايح الشغل الساعة 11 كالعادة ,
لقيت الشارع مقلوب عشان الريس هايعدى ,
و العساكر و الظباط بيفضوا الشارع من كل حاجة ..
من اول العربيات اللى راكنة ,
لحد كراتين الشيبسى اللى قدام كشك عم عبده ..
مش عارف الشيبسى هيضايق الريس فى ايه !!
و على فكرة الريس عدى فى اليوم ده بعد الساعة 7 !!!
ما علينا .. دخلت المكتب و مكانش فى غيرى
انا و الاستاذ صاحب المكتب و سكرتير الاستاذ ,
و قعدت اتفرج من الشباك على العساكر
و هم بيمشوا كل العربيات اللى راكنة ,
و الونش بيرفع العربيات اللى مش لاقيين اصحابها .
بعد نص ساعة السكرتير راح مشوار ,
و مفضلش غيرى انا و الاستاذ ,
خمس دقايق و رن جرس التليفون فاضطريت ارد ,
و دار الحوارد ده بينى و بين اللى اتصل :
- سلامو عليكو
- سلام و رحمة الله
- انتوا عندكوا عربية سودا ماركة ....
- ايوة ايوة .. الأودى السودة .. بتاعتنا صح
( و قلت بينى و بين نفسى ... ياااه .. ولاد اللذينة جابوا رقم المكتب و بيتصلوا بينا عشان نشيل العربية !! )
- ايوووة الأودى السودة ..
- بس يا استاذ دى العربية مع السواق ,
و اكيد هو ركنها فى شارع تانى ..
- طيب هى موجودة دلوقتى ؟؟
- والله هو عادة بيركنها تحت المكتب ,
بس انا هاكلمه وهاقولله يركنها فى حتة تانية .
- طب انا اقدر اجى اشوفها امتى ؟؟
- تشوفها ؟؟ ما هو انت ما دام مش شايفها دلوقتى ,
تبقى اكيد العربية مركونة بعيد ... يعنى مفيش مشاكل .
- ........ هى موديل كام قولتلى ؟؟
- ها !! هاتفرق معاكوا ايه ؟؟!!
- يا باشا دى اهم حاجه !!
- ( انا مش فاهم حاجه ) .......
- هو حضرتك صاحب العربية ؟؟
- لا والله ..
- طب ممكن تديهونى اتفاهم معاه ؟؟
- (مين دوووول ؟) ...... طب ثانية واحدة .
و روحت للاستاذ قولتله ان فى واحد متصل بيسأل على العربية ,
الغريب انه رد بتلقائية جدا و قاللى :
- آه .. بخصوص الاعلان ؟؟
- ( ها ؟؟!! )
- طب حوللى التليفون !
الراجل طلع عارض عربيتة للبيع !!!
اية الغباوة اللى انا فيها دى ؟؟
تفتكروا يا جماعة دى سذاجة ولا سؤ تفاهم ولا اية ؟
والله انا شايف انها مش سذاجة ..
بس يمكن يكون ده حصل بسبب الفكرة اللى واخدينها عن رجالة الحكومة ...
انهم بيجيبوا اى حاجة و بيعملوا اى حاجة و يعرفوا كل حاجة ..
بالذات لو كانت هايفة ..
هم كدة ييجوا فى الهايفة !!
تعيش الحكومة !
- ايوووة الأودى السودة ..
- بس يا استاذ دى العربية مع السواق ,
و اكيد هو ركنها فى شارع تانى ..
- طيب هى موجودة دلوقتى ؟؟
- والله هو عادة بيركنها تحت المكتب ,
بس انا هاكلمه وهاقولله يركنها فى حتة تانية .
- طب انا اقدر اجى اشوفها امتى ؟؟
- تشوفها ؟؟ ما هو انت ما دام مش شايفها دلوقتى ,
تبقى اكيد العربية مركونة بعيد ... يعنى مفيش مشاكل .
- ........ هى موديل كام قولتلى ؟؟
- ها !! هاتفرق معاكوا ايه ؟؟!!
- يا باشا دى اهم حاجه !!
- ( انا مش فاهم حاجه ) .......
- هو حضرتك صاحب العربية ؟؟
- لا والله ..
- طب ممكن تديهونى اتفاهم معاه ؟؟
- (مين دوووول ؟) ...... طب ثانية واحدة .
و روحت للاستاذ قولتله ان فى واحد متصل بيسأل على العربية ,
الغريب انه رد بتلقائية جدا و قاللى :
- آه .. بخصوص الاعلان ؟؟
- ( ها ؟؟!! )
- طب حوللى التليفون !
الراجل طلع عارض عربيتة للبيع !!!
اية الغباوة اللى انا فيها دى ؟؟
تفتكروا يا جماعة دى سذاجة ولا سؤ تفاهم ولا اية ؟
والله انا شايف انها مش سذاجة ..
بس يمكن يكون ده حصل بسبب الفكرة اللى واخدينها عن رجالة الحكومة ...
انهم بيجيبوا اى حاجة و بيعملوا اى حاجة و يعرفوا كل حاجة ..
بالذات لو كانت هايفة ..
هم كدة ييجوا فى الهايفة !!
تعيش الحكومة !
ليست هناك تعليقات:
إرسال تعليق